Semilir angin wayah wengi
Nggawa rasa jroning ati
Rasa kang ora bisa kanthi
Weninging nalar rikala wengi
Saben-saben mung tansah kelingan
Pengin tansah sesandhingan
Panut runtung reruntungan
kadya mimi lan mintuna
Gandeng renteng rerentengan
Pindha kamanjaya lan kamaratih
Dewa dewining asmara
Bebarengan sesandhingan
Mecaki endahing dina-dina
Swarga donya
Cah ayu marang sliramu
Arah pangarasaning atiku tumuju
Wanodya kang pindha dewi supraba
Sekaring para dewa widhara
